ນາໂຕ ສັ່ງຫລຸດຈຳນວນທະຫານໃນອີຣັກ

ສຳນັກຂ່າວຕ່າງປະເທດລາຍງານ ເມື່ອວັນທີ່ 8 ມັງກອນ 2020 ວ່າ ອົງການສົນທິສັນຍາແອດແລນຕິກເຫນືອ (ນາໂຕ) ອອກຖະແຫຼງການເລື່ອງ ການເຄື່ອນຍ້າຍ ແລະສັບປ່ຽນ ກຳລັງພົນບາງສ່ວນອອກຈາກອີຣັກໄປຍັງຄູເວຕ ເພື່ອຄວາມປອດໄພຂອງເຈົ້າຫນ້າທີ່ ໂດຍເປັນຄວາມເຄື່ອນໄຫວທັງໃນ ແລະນອກປະເທດ ຊື່ງເນັ້ນຄູເວຕເປັນສຳຄັນ ແຕ່ຢືນຢັນວ່ານາໂຕ ຍັງຄົງປະຕິບັດການຢູ່ໃນອີຣັກ

ທັງນີ້ ນາໂຕປະກາດລະງັບພາລະກິດສະຫນັບສະຫນູນທາງທະຫານແກ່ກອງທັບອີຣັກຕັ້ງແຕ່ວັນເສົາທີ່ຜ່ານມາ ຫລື 2 ວັນຫລັງກອງທັບອາເມຣິກາໂຈມຕີທາງອາກາດໃກ້ກັບສະຫນາມບິນສາກົນແບກແດດ ລອບສັງຫານພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດ ຄຸດສ ຂອງໄອອາຣຈີຊີ ແລະທ່ານອາບູ ມາຫດີ ອັລ-ມູຮັນດິສ ຮອງຜູ້ບັນຊາການກອງກຳລັງຮັຊ ຫລືພີເອັມເອຟ ຊື່ງເປັນເຄືອຂ່າຍນັບຮົບຊີອະຫໃນອີຣັກທີ່ເປັນພັນທະມິດກັບອີຣ່ານ

ແມ່ນວ່າຖະແຫຼງການຂອງນາໂຕບໍ່ໄດ້ໃຫ້ລາຍລະອຽດກ່ຽວກັບຈຳນວນທະຫານ ຢ່າງໃດກໍ່ຕາມ ກອງທັບແຄນາດາອອກຖະແຫຼງການເລື່ອງການເຄື່ອນຍ້າຍທະຫານປະມານ 500 ຄົນອອກຈາກອີຣັກໄປຍັງຄູເວຕ ກອງທັບເຢຍລະມັນເຄື່ອນຍ້າຍທະຫານ 30 ຄົນຈາກທັງຫມົດ 120 ຄົນອອກຈາກອີຣັກໄປຍັງຄູເວຕ ແລະຈໍແດນ ຂະນະທີ່ກະຊວງປ້ອງກັນປະເທດຂອງອັງກິດອອກຖະແຫຼງການພ້ອມເຄື່ອນຍ້າຍທະຫານອອກຈາກອີຣັກ ຕາມຄວາມປະສົງ ຂອງລັດຖະບານແບກແດດ ສ່ວນຝຣັ່ງ ແລະອີຕາລີຍັງຄົງກຳລັງທະຫານເອົາໄວ້ໃນອີຣັກ ແຕ່ມີການປະເມີນສະຖານະການຢ່າງໃກ້ຊິດ

ດ້ານນາຍົກລັດຖະມົນຕີອາເດລ ອັບດຸລ-ມາຫດີ ຜູ້ນຳອີຣັກ ຢືນຢັນວ່າລັດຖະບານວໍຊິງຕັນ ບໍ່ເຫລືອທາງເລືອກອີກແລ້ວ ນອກຈາກຕ້ອງຖອນທະຫານຊື່ງມີຢູ່ປະມານ 5,200 ຄົນອອກໄປ ຕາມມະຕິຂອງສະພາໃນນະຄອນແບກແດດຊື່ງປະກາດເມື່ອວັນອາທິດທີ່ຜ່ານມາ ວ່ານອກຈາກກອງທັບອາເມຣິກາ ແລະພັນທະມິດ ຕ້ອງຍຸຕິກິດຈະກຳທຸກຮູບແບບ ແລ້ວກອງທັບຕ່າງປະເທດບໍ່ສາມາດໃຊ້ພື້ນດິນ ນ່ານຟ້າ ແລະນ່ານນ້ຳໃນອີຣັກເພື່ອປະຕິບັດການທາງທະຫານໄດ້ອີກ ບໍ່ວ່າໃນຮູບແບບໃດກໍ່ຕາມ

ສະນັ້ນປະທານາທິບໍດີໂດນັລ ທຣັມ ກ່າວເມື່ອວັນອັງຄານວ່າການທີ່ອາເມຣິກາຖອນທະຫານອອກຈາກອີຣັກໃນຕອນນີ້ ຄືເລື່ອງຮ້າຍແຮງທີ່ສຸດ ແລະທະຫານອາເມຣິກາຈະຖອນກຳລັງອອກຈາກອີຣັກແນ່ນອນ ແຕ່ຕອນນີ້ ຍັງບໍ່ແມ່ນເວລາ ໂດຍກ່ອນຫນ້ານັ້ນຜູ້ນຳອາເມຣິກາປະກາດວ່າລັດຖະບານວໍຊິງຕັນຈະຮຽກຄ່າເສຍຫາຍຈຳນວນມະຫານສານ ຈາກລັດຖະບານອີຣັກ ແລະກະຊວງການເງີນອາເມຣິກາຢູ່ລະຫວ່າງຮ່າງມາດຕະການຂວ້ຳບາດ ຄັ້ງໃຫ່ຍທີ່ສຸດ ຕໍ່ອີຣັກ