ອຸຕຸເຕືອນ ແຕ່ລະພາກຈະມີຝົນຕົກຟ້າຮ້ອງ ຟ້າເຫຼື້ອມ 

ພະຍາກອນອາກາດ ແຕ່ໄລຍະວັນທີ 19 ຫາ 25 ມີນາ 2020

ບໍລິເວນຄວາມກົດດັນສູງຂອງອາກາດເຢັນທີ່ມີອ່ອນກໍາລັງລົງຍັງສືບຕໍ່ປົກຄຸມຢູ່ເຂດພາກເໜືອດ້ານຕາເວັນອອກ ລົງຫາ ພາກກາງຂອງປະເທດລາວ, ສົມທົບກັບກະແສລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້.

ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າໃນຕອນບ່າຍ ພ້ອມມີໝອກແຫ້ງປົກຫຸ້ມຢູ່ທົ່ວໄປໃນແຕ່ລະພາກ ແລະ ຈະມີຝົນຕົກຟ້າຮ້ອງ ຟ້າເຫຼື້ອມ ໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກເໜືອດ້ານຕາເວັນອອກ ລົງຫາ ພາກກາງ ແລະ ພາກໃຕ້.