ການຄ້າແຈ້ງການ ໃຫ້ຄວບຄຸມການຂາຍນ້ຳມັນເຊື້ອໄຟເພື່ອຫລີກເວັ້ນການກັກຕຸ໋ນ

ພະແນກອຸດສາຫະກໍາ ແລະ ການຄ້າ ແຂວງສະຫວັນນະເຂດ ໄດ້ອອກແຈ້ງການດ່ວນໃນເວລາ 17 ໂມງຂອງມື້ວັນທີ 19 ມີນາ 2020 ນີ້ວ່າ: ເຖິງບັນດາປໍ້າຂາຍຍ່ອຍນໍ້າມັນເຊື້ອໄຟທຸກປະເພດໃນຂອບເຂດແຂວງ ຫ້າມຂາຍນໍ້າມັນຈໍານວນຫຼາຍໃຫ້ປະຊາຊົນໂດຍສະເພາະປະຊາຊົນທີ່ເອົາກະຕຸກໄປຊື້ເພື່ອກັກຕຸນ.

ປະຈຸບັນມີຫຼາຍຄົນຢູ່ ແຂວງສະຫວັນນະເຂດ ຊື້ນໍ້າມັນເພື່ອກັກຕຸນ ຍ້ອນມີຂ່າວລືວ່າຈະມີການປິດດ່ານສາກົນຂົວມິດຕະພາບລາວ-ໄທ ແຫ່ງທີ 2 (ສະຫວັນນະເຂດ-ມຸກດາຫານ) ແລະ ດ່ານສາກົນແດນສະຫວັນ-ລາວບາວ (ລາວ-ຫວຽດນາມ) ຍ້ອນວ່າມີການລະບາດຂອງເຊື້ອຈຸລະໂລກສາຍພັນໃໝ່ 2019 ຢູ່ປະເທດເພື່ອນບ້ານ.