ຊາວບັງກາລາເທດຫລາຍພັນຄົນຈັດສູດມົນຂັບໄລ່ໂຄວິດ

ສຳນັກຂ່າວຕ່າງປະເທດລາຍງານເມື່ອວັນທີ 18 ມີນາ 2020 ວ່າ ຊາວບັງກາລາເທດນັບຫມື່ນຄົນ ບໍ່ເຊື່ອຟັງຄຳສັ່ງຫ້າມຂອງລັດຖະບານໃນຊ່ວງສະຖານະການໄວຣັດລະບາດ ຈັດລວມໂຕກັນໃນສະຖານທີ່ໂລ່ງແຫ່ງຫນື່ງໃນເມືອງໄຮປຸຣະ ທາງພາກຕາເວັນອອກສ່ຽງໃຕ້ຂອງປະເທດ ເພື່ອຮ່ວມກັນສູດມົນຂັບໄລ່ເຊື້ອໂຄວິດ-19 ໃຫ້ພົ້ນຈາກປະເທດ

ທ່ານໂຕຕາ ມິອາຫ ຜູ້ບັນຊາການຕຳຫຼວດທ້ອງຖິ່ນ ລະບຸວ່າ ມີຊາວມຸດສະລິມປະມານ 10.000 ຄົນ ລວມໂຕກັນເພື່ອສູດບົດທີ່ຮຽກວ່າ ‘Khatme Shifa’ ຈາກຄັມພີອັລກຸລອານ ເພື່ອໃຫ້ປະເທດພົ້ນໄພຈາກໄວຣັດໂຄວິດ ຂະນະທີ່ດ້ານອົງກອນທາງສາສະຫນາຊື່ງເປັນຜູ້ຈັດງານ ອ້າງວ່າມີຜູ້ເຂົ້າຮ່ວມພິທີສູດມົນຫລາຍເຖິງ 25.000 ຄົນ ໂດຍຜູ້ຈັດບໍ່ໄດ້ຮັບອະນຸຍາດຈາກທາງການໃຫ້ຈັດກິດຈະກຳດັງກ່າວແຕ່ຢ່າງໃດ

ພາບຂອງຊາວມຸດສະລິມຈຳນວນຫລາຍທີ່ລວມໂຕປະກອບກິດດັງກ່າວຖືກເຜີຍແຜ່ຜ່ານໂຊຊຽວມີເດຍ ແລະໄດ້ຮັບສຽງຕຳຫນິວິຈານຢ່າງຮຸນແຮງຈາກຊາວເນັດໃນບັງກາລາເທດ
ທັງນີ້ ບັງກາລາເທດຊື່ງມີປະຊາກອນທັງສິ້ນ 168 ລ້ານຄົນ ແຕ່ພົບຜູ້ຕິດເຊື້ອໂຄວິດພຽງ 14 ລາຍ ເສຍຊີວິດ 1 ລາຍ ແຕ່ທາງການໄດ້ສັ່ງຫ້າມການລວມໂຕຂອງປະຊາຊົນຈຳນວນຫລາຍໆເພື່ອຄວບຄຸມການແຜ່ລະບາດຂອງໄວຣັດ