ຈີນ ບໍ່ພົບຜູ້ຕິດໂຄວິດ-19 ໃນປະເທດເປັນຄັ້ງທຳອິດ

ສຳນັກຂ່າວຕ່າງປະເທດລາຍງານເມື່ອວັນທີ່ 19 ມີນາ 2020 ວ່າຄະນະກຳມະທິການສາທາລະນະສຸກແຫ່ງຊາດຂອງຈີນລາຍງານສະຖານະການເຊື້ອໄວຣັດໂຄໂຣນາສາຍພັນໃຫ່ມ ຫລືໂຄວິດ-19 ຊື່ງແຜ່ລະບາດຕັ້ງແຕ່ເດືອນທັັນວາປີຜ່ານມາ ເຖິງວັນທີ່ 18 ມີນາ ທີ່ຜ່ານມາ ວ່າມີຜູ້ເສຍຊີວິດອີກ 8 ຄົນທັງຫມົດຢູ່ໃນມົນທົນຫູເປີ່ຍທີ່ເປັນສູນກາງການແຜ່ລະບາດຂອງພະຍາດ ເພີ່ມຈຳນວນຜູ້ເສຍຊີວິດສະສົມເປັນຢ່າງຫນ້ອຍ 3.245 ຄົນ

ທັງນີ້ນັບເປັນຄັ້ງທຳອິດຕັ້ງແຕ່ລັດຖະບານຈີນລາຍງານສະຖິຕິລາຍວັນກ່ຽວກັບຜູ້ເສຍຊີວິດ ແລະຜູ້ຕິດເຊື້ອໄວຣັດໂຄວິດ-19 ເມື່ອຕົ້ນເດືອນມີນາທີ່ຜ່ານມາ ທີ່ບໍ່ມີການພົບຜູ້ຕິດເຊື້ອເພີ່ມໃນປະເທດໃນຮອບ 24 ຊົ່ວໂມງຫລ້າສຸດ ຈຳນວນຜູ້ຕິດເຊື້ອສະສົມໃນປະເທດມີຢ່າງຫນ້ອຍ 80.928 ຄົນ ແລະປິ່ນປົວດີແລ້ວ 70.420 ຄົນ ຄົງເຫລືອຄົນເຈັບໃນໂຮງຫມໍອີກ 10.508 ຄົນ