ຣັດ

ວັນທີ່ 17 ມີນາ 2020 ອາຣໄອເອ ໂນວອສຕີ ລາຍງານວ່າ ລັດຖະບານຣັດເຊຍມີຄຳສັ່ງຈຳກັດພົນລະເມືອງຕ່າງປະເທດ ແລະບຸກຄົນໄຮ້ສັນຊາດເຂົ້າປະເທດ ຕັ້ງແຕ່ວັນທີ່ 18 ມີນາ – 1 ພຶດສະພາ ເນື່ອງຈາກການລະບາດຂອງໄວຣັດໂຄໂຣນາສາຍພັນໃຫ່ມ ຫລືໂຄວິດ-19 ຢ່າງໃດກໍ່ຕາມ ການຈຳກັດດັງກ່າວບໍ່ຄອບຄຸມລົດບັນທຸກຂົນສົ່ງສິນຄ້າ ຕະຫລອດຈົນນັກການທູດ ແລະບຸກຄົນຜູ້ອາໄສຖາວອນໃນຣັດເຊຍ

ທ່ານມີຮາອິລ ມີຊຸສຕິນ ນາຍົກລັດຖະມົນຕີຣັດເຊຍ ກ່າວວ່າ ການຈຳກັດດັ່ງກ່າວສອດຄ້ອງກັບຄຳແນະນຳຂອງອົງການອານາໄມໂລກ ສະຫະປະຊາຊາດ ພ້ອມຢ້ຳວ່າການຈຳກັດເປັນເພາະສະຖານະການພິເສດ ແລະເປັນການຊົ່ວຄາວເທົ່ານັ້ນ ສຳລັບສະຖານການໂຄວິດ-19 ລ່າສຸດໃນປະເທດ ຣັດເຊຍມີຈຳນວນຜູ້ຕິດເຊື້ອໃຫ່ມອີກ 34 ຄົນເຮັດໃຫ້ຈຳນວນຜູ້ຕິດເຊື້ອສະສົມເພີ່ມເປັນຢ່າງຫນ້ອຍ 93 ຄົນ ໃນຈຳນວນນີ້ 86 ຄົນ ຕິດເຊື້ອຈາກນອກປະເທດສ່ວນທີ່ເຫລືອ 7 ຄົນ ຕິດເຊື້ອຈາກການຕິດຕໍ່ຈາກຄົນສູ່ຄົນ