ມາເລເຊຍປະກາດປິດປະເທດແລ້ວ

ສຳນັກຂ່າວຕ່າງປະເທດລາຍງານເມື່ອວັນທີ 16 ມີນາ 2020 ວ່າ ນາຍົກລັດຖະມົນຕີ ມູຍິດດິນ ຍັສຊິນ ແຫ່ງມາເລເຊຍປະກາດປິດປະເທດເປັນເວລາ 2 ອາທ່ິດ ເພື່ອສະກັດກັ້ນການແຜ່ລະບາດຂອງໂຄໂຣນາໄວຣັດສາຍພັນໃຫ່ມ ຫລືໂຄວິດ-19

ທ່ານມູຍິດດິນກ່າວວ່າມາດຕະການປິດປະເທດຈະເລີ່ມຕັ້ງແຕ່ວັນພຸດທີ່ 18 ເຖິງວັນອັງຄານທີ່ 31 ມີນາ 2020 ໂດຍຫ້າມບໍ່ໃຫ້ຊາວປະເທດເຂົ້າມາໃນປະເທດ ໃນຂະນະທີ່ຊາວມາເລເຊຍຈະຖືກຫ້າມບໍ່ໃຫ້ເດີນທາງໄປຕ່າງປະເທດ

ກິດຈະກຳສາທາລະນະທັງຫມົດ ທັງທາງສາສະຫນາ ແລະອື່ນໆ ຈະຖືກຈຳກັດ ໃນຂະນະທີ່ຫນ່ວຍລັດຖະການຈະຢຸດດຳເນີນການ ແລະບໍລິສັດໃນພາກທຸລະກິດຈະຕ້ອງປິດໂຕລົງຊົ່ວຄາວ
ຍົກເວັ້ນຜູ້ທີ່ໃຫ້ບໍລິການທີ່ຈຳເປັນເຊັ່ນ ສາທາລະນູປະໂພກ ງານດ້ານສາທາລະນະສຸກ ການທະນາຄານ ແລະການຈັດຫາອາຫານ ຕະຫລາດທີ່ຂາຍສິນຄ້າປະຈຳວັນ ແລະເຮືອສິນຄ້າທີ່ນຳສິນຄ້າເຂົ້າ-ອອກປະເທດ

ຊາວມາເລເຊຍທີ່ເດີນທາງກັບຈາກຕ່າງປະເທດຈະຕ້ອງກັກໂຕເອງ 14 ວັນ ຄວາມຈຳເປັນເລັ່ງດ່ວນຂອງລັດຖະບານໃນຕອນນີ້ຄືການປ້ອງກັນບໍ່ໃຫ້ເກີດການແຜ່ລະບາດຄັ້ງໃຫ່ມຂອງໂລກນີ້ ເພາະຢ້ານວ່າຈະເຮັດໃຫ້ຜູ້ຄົນຈຳນວນຫລາຍຕິດເຊື້ອຫລາຍຂື້ນ ທ່ານມູຍິດດິນກ່າວ ສະຖານະການປະຈຸບັນຂອງການລະບາດຄັ້ງນີ້ຕ້ອງໃຊ້ມາດຕະການຮຸນແຮງເພື່ອຟື້ນຟູສະຖານະການໂດຍໄວທີ່ສຸດ ເຮົາຈະບໍ່ຖ້າຈົນສະຖານະການຮຸນແຮງຂື້ນ ທ່ານກ່າວເສີມ

ຊຶ່ງຂະນະນີ້ມາເລເຊຍ ພົບຜູ້ຕິດເຊື້ອໄວຣັດໂຄວິດ-19 ແລ້ວ 553 ລາຍ ຊຶ່ງຜູ້ຕິດເຊື້ອ 2 ໃນ 3 ຕິດຈາກການຊຸມນຸມທາງສາສຫນາ