ຍົກລະດັບລະດັບມາດຕະການຄວບຄຸມການລະບາດຂອງພະຍາດ ໂຄວິດ-19 ສຳລັບຜູ້ເດີນທາງເຂົ້າມາ ສປປລາວ

ຄະນະສະເພາະກິດເພື່ອປ້ອງກັນ ຄວບຄຸມ ແລະ ຕອບໂຕ້ຕໍ່ການລະບາດ COVID-19 ໄດ້ເຮັດໜັງສືແຈ້ງການເຖີງ ກະຊວງ-ອົງການ, ນະຄອນຫຼວງ ແລະ ບັນດາແຂວງໃນຂອບເຂດທົ່ວປະເທດ ສະບັບເລກທີ 012/ສພກ ລົງວັນທີ 16 ມີນາ 2020 ວ່າດ້ວຍສະເໜີຍົກລະດັບລະດັບມາດຕະການຄວບຄຸມການລະບາດຂອງພະຍາດ COVID-19 ສຳລັບຜູ້ເດີນທາງເຂົ້າມາ ສປປລາວ.

ສຳລັບຜູ້ເດີນທາງເຂົ້າມາ ສປປລາວ ຄືທຸກຄົນທີ່ມີອາການ ໄຂ້ ໄອ ຫລື ຫາຍໃຈຍາກ ແລະ ມີປະຫວັດການເດີນມາຈາກເຂດທີ່ມີການລະບາດຂອງ COVID-19 ແລະ ມີປະຫວັດສຳຜັດກັບຜູ້ທີ່ມີການຢັ້ງຢືນການຕິດເຊຶ້ອ COVID-19 ຕ້ອງປະຕິບັດການແຍກປ່ຽວ ກໍລະນີສົງໄສ ຢູ່ນະຄອນຫລວງວຽງຈັນແມ່ນຢູ່: ໂຮງໝໍມິດຕະພາບ, ໂຮງໝໍມະໂຫສົດ, ໂຮງໝໍເສດຖາທິລາດ ແລະ ໂຮງໝໍສູນກາງ 103 ກອງທັບ ແລະ ການແຍກປ່ຽວກໍລະນີສົງໄສບັນດາແຂວງ ແມ່ນຢູ່ບັນດາໂຮງໝໍແຂວງ.