ຈີນ ເຜີຍຜ້າປິດປາກ-ດັງ ນະວັດຕະກຳໃຫ່ມປ້ອງກັນໂຄວິດ-19 ໂດຍສະເພາະ

ສຳນັກຂ່າວຊິນຫົວລາຍງານເມື່ອວັນທີ 13 ມີນາ 2020 ວ່າ ຈີນເຜີຍຫນ້າກາກອານາໄມ (ຜ້າປິດປາກ-ດັງ) ນະວັດຕະກຳໃຫ່ມ KN95 ໃສ່ເພື່ອປ້ອງກັນໄວຣັດໂຄວິດ-19 ໂດຍສະເພາະ

ຫນ້າກາກອານາໄມ KN95 ຜະລິດຈາກເທັກໂນໂລຢີນາໂນ ຊຶ່ງຜະລິດໂດຍສະຖາບັນເທັກໂນໂລຢີອັດສະລິຍະສີຂຽວສົງຊິ່ງ ສາຂາເຫີເຝີຍ ໃນສັງກັດສະຖາບັນວິທະຍາສາດຈີນ ສາມາດເຮັດຄວາມສະອາດ ແລະໃຊ້ຊ້ຳໄດ້ຫລາຍຄັ້ງຊ່ວຍປະຢັດຄ່າໃຊ້ຈ່າຍໃນການຊື້ຫນ້າກາກອານາໄມໃຫ່ມ

ຄຸນສົມບັດຂອງຫນ້າກາກອານາໄມລຸ້ນນີ້ຄື ເສັ້ນໃຍນາໂນທີ່ໃຊ້ມີຂະຫນາດເສັ້ນຜ່າສູນກາງ 100 ນາໂນແມັດ ເທົ່າກັບຂະຫນາດຂອງໄວຣັດ ຈຶ່ງຊ່ວຍປ້ອງກັນຜູ້ໃສ່ຈາກໄວຣັດໄດ້

ຫນ້າກາກອານາໄມລຸ້ນ KN95 ທີ່ວາງຈຳຫນ່າຍໃນທ້ອງຕະຫລາດປະຈຸບັນມີອາຍຸການໃຊ້ງານພຽງ 2 ວັນ ແຕ່ລຸ້ນນີ້ນຳກັບມາໃຊ້ໃຫ່ມໄດ້ອີກ ພຽງເຮັດຄວາມສະອາດດ້ວຍທາດເຫລົ້າ (Alcohol) ແລະໃຊ້ໄດ້ດົນ 10-12 ວັນ

ຫນ້າກາກອານາໄມລຸ້ນໃຫ່ມນີ້ກຽມວາງຈຳຫນ່າຍໃນປະເທດຈີນປະມານຕົ້ນເດືອນຫນ້າ