ຜູ້ເສຍຊີວິດຈາກເຫດຍົນໂດຍສານຢູເຄຣນຕົກສ່ວນໃຫ່ຍເປັນຊາວອີຣ່ານ

ສຳນັກຂ່າວຕ່າງປະເທດລາຍງານ ເມື່ອວັນທີ 8 ມັງກອນ 2020 ວ່າ ຈາກກໍລະນີເຫດຍົນໂດຍສານຖ້ຽວບິນ PS 752 ສາຍການບິນແຫ່ງຊາດ ຂອງຢູເຄຣນ (UIA) ທີ່ໃຊ້ຍົນໂບອິ້ງຮຸ້ນ 737-800 ຕົກພາຍໃນເວລາບໍ່ພໍເທົ່າໃດນາທີ ພາຍຫຼັງທີ່ອອກເດີນທາງຈາກສະໜາມບິນສາກົນອິໝ່າມ ໂຄໄມນີ ນະຄອນຫຼວງເຕຫະຮານ ເມື່ອຕອນເຊົ້າມືດຂອງວັນນີ້ ຕາມເວລາທ້ອງຖິ່ນ ຍົນລຳດັ່ງກ່າວມີປາຍທາງທີ່ນະຄອນຫຼວງຄຽບ ປະເທດຢູເຄຣນ.


ສະໜາມບິນສາກົນອິໝ່າມ ໂຄໄມນີ ແລະ ສາຍການບິນ UIA ອອກຖະແຫຼງການໃນເວລາໄລ່ເລ່ຍກັນວ່າ ຜູ້ໂດຍສານ 167 ຄົນ ແລະ ຈຸບິນ 9 ຄົນເສຍຊີວິດທັງໝົດ ໂດຍຍົນເກີດໄຟໄໝ້ລະຫວ່າງຢູ່ເທິງອາກາດ ກ່ອນຕົກລົງກະແທກພື້ນ ເບື້ອງຕົ້ນເຈົ້າໜ້າທີ່ເຊື່ອວ່າເປັນຄວາມຂັດຂ້ອງທາງເຕັກນິກ, ຂະນະທີ່ໜ່ວຍກູ້ໄພສາມາດັບໄຟທີ່ລຸມຖ້ວມຍົນໄດ້ແລ້ວ ແລະ ກຳລັງລຳລຽງຜູ້ເສຍຊີວິດອອກຈາກຈຸດເກີດເຫດ ເພື່ອເຂົ້າສູ່ຂັ້ນຕອນການພິສູດເອກະລັກບຸກຄົນຕໍ່ໄປ ເຊິ່ງອົງການການບິນພົນລະເຮືອນອີຣານໃຫ້ຂໍ້ມູນວ່າ ຜູ້ເສຍຊີວິດສ່ວນໃຫຍ່ເປັນຊາວອີຣານ.