ເປີດປະຫວັດແມ່ໃຫຍ່ ທີ່ລັກເງິນຢູ່ຕະຫຼາດລາວອົດຊີ ເຄີຍຖືກຕັດອິດສະຫຼະພາບມາແລ້ວ 5 ປີ

ໃນກໍລະນີມີການເປີດໂສມໜ້າໂຈນລັກເງິນຢູ່ຕະຫຼາດລາວ-ອົດຊີທີ່ຜ່ານມາ ສູ່ສາຍຕາມວນຊົນ ເຫັນວ່າຜູ້ໜ້າຈົບຕາດີ ອຸດົມສົມບູນດີບໍ່ໜ້າຈະເປັນໂຈນແຕ່ກໍ່ເປັນໄປແລ້ວ ນີ້ແຫຼະທີ່ເພິ່ນວ່າຮູ້ໜ້າບໍ່ຮູ້ໃຈໜ້າຈົບຕາດີ ງາມທາງນອກທາງໃນເປັນໝາກເດື່ອກໍ່ຊິປະມານນີ້ກໍລະນີຄລິບທີ່ເຈົ້າໜ້າທີ່ຕະຫຼາດອົດຊີນຳຕົວຍິງໄວກາງຄົນພ້ອມຫ້ອຍປ້າຍແຂວນຄໍ “ຄົນຂີ້ລັກ” ແຫ່ອ້ອມຕະຫຼາດຜ່ານການສືບສວນສອບສວນຂອງເຈົ້າໜ້າທີ່

ໂດຍສະເພາະກໍ່ແມ່ນ ປກສ ກຸ່ມ ບ້ານໜອງແຕ່ງ ຈິ່ງໄດ້ຮູ້ວ່າຜູ້ກ່ຽວ ຜູ້ທີ່ລັກຊັບ ມີຊື່ວ່າ : ນາງ ລຳດວນ (ເອ) ອາຍຸ 50 ປີ ຜູ້ກ່ຽວມາຈາກ ແຂວງ ສະຫວັນນະເຂດ ມາພັກເຊົາຢູ່ບ້ານ ຈັນສະຫວ່າງ ເມືອງສີໂຄດຕະບອງ ນະຄອນຫຼວງວຽງຈັນ

ຜົວຂອງຜູ້ກ່ຽວ ຊື່ ທ.ລິ ເຊິ່ງມາພັກຢູ່ ບ້ານ ຈັນສະຫວ່າງຜ່ານການສືບສວນຂອງເຈົ້າໜ້າທີ່ກັບຜູ້ກ່ຽວແມ່ນມີຫຼາຍຢ່າງກ່ຽວກັບປະຫວັດຂອງຜູ້ກ່ຽວຄື: ຖືກດັດສ້າງ ຕັດອິດສະຫຼະພາບ 5 ປີມາແລ້ວ ຍ້ອນຂໍ້ຫາລັກຊັບພົນລະເມືອງ ພາຍຫຼັງຜູ້ກ່ຽວອອກມາຜູ້ກ່ຽວຍັງເຄືອນໄຫວຄືເກົ່າບໍ່ມີການປ່ຽນແປງຜູ້ກ່ຽວໄດ້ເລີ່ມເຄື່ອນໄຫວມາແຕ່ເດືອນ5 ປີ 2020

ແຕ່ຜູ້ກ່ຽວບໍບອກວ່າ ເຄື່ອນໄຫວທາງໃດແດ່ ສຳລັບຕະຫຼາດລາວອົດຊີ 10 ປາຍເທື່ອ ໄດ້ຂອງກາງຂໍ້ມູນຫຼັກຖານແທ້ໆແມ່ນ ວັນທີ 15 ແລະ 17 ເດືອນກໍລະກົດນີ້ ລາຍການເສຍຫາຍຍ່ອຍແມ່ນບໍ່ໄດ້ເອົາມາລວມ

ແຕ່ທັງສອງຄັ້ງທີ່ຈັບໄດ້ ຜູ້ກ່ຽວລັກໄປທັງໝົດ 3.180.000 ກີບ ແຕ່ມື້ວັນທີ 17 ໄດ້ເງິນຄືນແກ່ເຈົ້າຂອງຊັບພຽງ 8 ແສນກີບເທົ່ານັ້ນນອກຈາກການເຄື່ອນໄຫວລັກເງິນສົດແລ້ວໃນຕົວຜູ້ກ່ຽວຍັງມີບັດປະຈຳຕົວ, ບັດເອທີເອັມຈຳນວນໜຶ່ງທີ່ລັກມາຈາກບ່ອນອື່ນອີກ.

ງານນີ້ຄົນໂລກສວຍທັງຫຼາຍຄົງຫຼຸດຂໍ້ສົງໄສລົງຫຼາຍຂຶ້ນທີ່ຈະປົກປ້ອງບຸກຄົນຂີ້ລັກດັ່ງກ່າວ

ຊົມຄລິບ: