ຂ່າວດີມາແລ້ວໄທເປີດໄຟຂຽວໃຫ້ແຮງງານ3ຊາດເຂົ້າປະເທດໄດ້ ລາວ.ກຳປູເຈຍແລະມຽນມາ

ສຳລັບແຮງງານທີ່ມີ MOU ທີ່ເດີນກັບເມືອບ້ານເກີດຊ່ວງໂຄວິດ-19​ ສບຄ.​ຂອງໄທ​ ໄດ້ອະນຸຍາດໃຫ້ເຂົ້າປະເທດໄທໄດ້ ແຕ່ຕ້ອງກັກຕົວ 14​ ວັນ

ຈາກທີ່ປະຊຸມສູນບໍລິຫານສະຖານະການໂຄວິດ-19​(ສບຄ.)​ມີຄວາມເຫັນແນວທາງໃນການນຳເຂົ້າແຮງງານຕ່າງດ້າວ ສັນຊາດ​ ກຳປູເຈຍ,​ລາວ,​ມຽນມາ​ ເຂົ້າມາເຮັດວຽກ​ຕາມ​ MOU ຕາມທີ່ກະຊວງແຮງງານຂອງໄທສະເຫນີ ໂດຍແຮງງານຕ່າງດ້າວຕ້ອງກວດຫາເຊື້ອ COVID-19 ແລະ​ ກັກຕົວ​ 14​ ວັນ​ ກ່ອນອອກໃບອະນຸຍາດເຮັດວຽກ

ທ່ານສຸຊາດ ພອນໄຊວິເສດກຸນ ອະທິບໍດີກົມການຈັດຫາງານເປີດເຜີຍ ວັນທີ​ 22​ ກໍລະກົດ​ 2020​ ທີ່ປະຊຸມສູນບໍຫານສະຖານະການໂຄວິດ-19​ ໄດ້ພິຈາລະນາ ແລະ​ ເຫັນດ້ວຍກັບແນວທາງການດຳເນີນການນຳແຮງງານຕ່າງດ້າວ ສັນຊາດ​ ກຳປູເຈຍ,​ລາວ,​ມຽນມາ​ ເຂົ້າມາເຮັດວຽກ​ກະຊວງແຮງງານສະເຫນີ ໂດຍເຫັນດ້ວຍໃຫ້ແຮງງານຕ່າງດ້າວ 2​ກຸ່ມ​ ຄື:

1.ແຮງງານຕ່າງດ້າວທີ່ມີໃບອະນຸຍາດເຮັດວຽກ ແລະ​ ມີວີຊ້າເຮັດວຽກຢູ່ແລ້ວ ເຊີງໄດ້ຂໍວີຊ້າຮັກສາສິດໃບອະນຸຍາດເຮັດວຽກ(Re-Entry Visa) ເພື່ອເດີນທາງກັບປະເທດແລ້ວຍັງບໍ່ໄດ້ກັບເຂົ້າໄທ ປະມານ​ 69,235 ຄົນ

2.​ ແຮງງານຕ່າງດ້າວທີ່ຍັງບໍ່ມີໃບອະນຸຍາດຮັດວຽກ ແລະ​ ວີຊ້າ ທີ່ນາຍຈ້າງໄດ້ຍື່ນຫນັງສືສະແດງຄວາມຕ້ອງການ (Demand Letter) ໄປທີ່ປະເທດຕົ້ນທາງແລ້ວ ແລະ​ ນາຍຈ້າງຍັງຕ້ອງການນຳເຂົ້າໄທ ແຕ່ບໍ່ສາມາດດຳເນີນການຂັ້ນຕອນຕໍ່ໄປໄດ້ ປະມານ​ 42,168 ຄົນ​ ໃຫ້ເດີນທາງເຂົ້າໄທໄດ້

ໂດຍຕ້ອງປະຕິບັດຕາມມາດຕະການທີ່ ສບຄ.​ ກຳນົດ​ ຄືການກຽມຕົວກ່ອນເຂົ້າປະເທດໄທ​ ແຮງງານຕ່າງດ້າວທັງສອງກຸ່ມຕ້ອງໄດ້ຮັບຫນັງສືຮັບຮອງວ່າເດີນທາງເຂົ້າໄປໃນຣາຊະອານາຈັກໄດ້ ແລະ​ ມີໃບຮັບຮອງແພດ (Fit to Travel) ສ່ວນການເດີນທາງເຂົ້າໄປໃນຣາຊະອານາຈັກ ກໍລະນີເປັນແຮງງານຕ່າງດ້າວກຸ່ມທີ່ມີ Re-Entry Visa

ເຊິ່ງມີໃບອະນຸຍາດເຮັດວຽກຢູ່ແລ້ວ ເມື່ອດ່ານກວດຄົນເຂົ້າເມືອງກວດເອກະສານການອະນຸຍາດເຂົ້າປະເທດ ແລະ​ກວດຈ້ຳກາວີຊ້າແລ້ວ ແຮງງານຕ່າງດ້າວຕ້ອງເຂົ້າຮັບກວດຫາເຊື້ອ COVID-19 ທັນທີ​ ທີ່ດ່ານຄວບຄຸມໂລກຂອງກະຊວງສາທາລະນະສຸກ ແລະ​ ຕ້ອງເຂົ້າຮັບການກັກຕົວ 14​ ວັນ​ ໃນສະຖານກັກກັນຂອງລັດໃນລະດັບຈັງຫວັດ (ALQ)

ສຳລັບແຮງງານຕ່າງດ້າວທີ່ຍັງ ບໍ່ມີໃບອະນຸຍາດເຮັດວຽກ ທີ່ນາຍຈ້າງຍື່ນຂໍນຳເຂົ້າໃຫມ່ ເມື່ອດ່ານກວດຄົນເຂົ້າເມືອງກວດເອກະສານການອະນຸຍາດໃຫ້ເດີນທາງເຂົ້າປະເທດແລ້ວ ແຮງງານຕ່າງດ້າວຕ້ອງເຂົ້າຮັບການກວດຫາເຊື້ອ COVID-19 ແລະ​ກວດສຸຂະພາບ 6​ ໂລກ​ ຊື້ປະກັນສຸຂະພາບ 2​ ປີ​ (ກໍລະນີກິດຈະການທີ່ບໍ່ໄດ້ເຂົ້າປະກັນສັງຄົມ) ຫຼື​ ປະກັນສຸຂະພາບ 3​ ເດືອນ (ກໍລະນີກິດຈະການຕ້ອງເຂົ້າປະກັນສັງຄົມ) ແລະ​ ເຂົ້າຮັບການກັກຕົວ 14​ ວັນໃນສະຖານທີ່ຂອງລັດໃນລະດັບຈັງຫວັດ (ALQ) ເຊິ່ງ
ຂະນະທີ່ຢູ່ໃນສະຖານທີ່ກັກກັນ ຈະມີການອົບຮົມລະບຽບ ແລະ​ ການໃຊ້ຊີວິດຢູ່ໃນປະເທດໄທ ໃຫ້ກັບຄົນຕ່າງດ້າວກ່ອນເຂົ້າ​ໄປເຮັດວຽກ​ ເມື່ອຄົບກຳຫນົດ 14​ ວັນ​ ຈະໄດ້ຮັບກວດຈ້ຳກາວີຊ້າ ຈາກເຈົ້າຫນ້າທີ່ກວດຄົນເຂົ້າເມືອງ ແລະ​ ໄດ້ຮັບໃບອະນຸຍາດເຮັດວຽກຈາກສູນແລກຮັບ ແລະ​ສີ້ນສຸດການຈ້າງ

ເມື່ອແຮງງານຕ່າງດ້າວທັງສອງກຸ່ມເຂົ້າຮັບກັກຕົວຄົບຕາມກຳຫນົດແລ້ວບໍ່ພົບເຊື້ອ​ ນາຍຈ້າງ ສາມາດຮັບແຮງງານຕ່າງດ້າວໄປເຮັດວຽກ ພ້ອມລາຍງານໃຫ້ສຳນັກງານຈັດຫາງານຈັງຫວັດໃນພື້ນທີ່ຮັບຮູ້

*ການທີ່ ສບຄ.​ຜ່ອນຄາຍມາດຕະການລ໋ອກດາວ ເຟສ 6​ ແລະ​ ອະນຸຍາດໃຫ້ສາມາດນຳເຂົ້າແຮງງານຕ່າງດ້າວທີ່ຈະເຂົ້າເຮັດວຽກຕາມລະບົບ MOU ເນື່ອງຈາກຄວາມຕ້ອງການແຮງງານຂອງນາຍຈ້າງ / ສະຖານປະກອບການໃນປະເທດໄທ ທີ່ມີຄວາມຈຳເປັນຕ້ອງໃຊ້ແຮງງານໃນການຂັບເຄື່ອນກິດຈະການ ຫຼັງຈາກກິດຈະການຕ່າງໆ ເລີ່ມກັບມາດຳເນີນການຕາມປົກກະຕິ ເຊິ່ງສ່ວນໃຫຍ່ເປັນລັກສະນະງານທີ່ແຮງງານໄທບໍ່ນິຍົມເຮັດກັນ

ທັງນີ້ການດຳເນີນການນຳເຂົ້າແຮງງານ3ຊາດເຂົ້າເຮັດວຽກຕ້ອງຄຳນຶງເຖີງຄວາມປອດໄພ ແລະ​ ປະຕິບັດຕາມມາດຕະການປ້ອງກັນ ແລະ​ ຄວບຄຸມໂລກຂອງກະຊວງສາທາລະນະສຸກຢ່າງເຄັ່ງຄັດ ເພື່ອບໍ່ໃຫ້ເກີດການແພ່ລະບາດໃນປະເທດໄທ ແລະ​ ໄດ້ກຳຫນົດຊ່ອງທາງການເຂົ້າປະເທດໄທຂອງແຮງງານຕ່າງຊາດ

ສັນຊາດ​ ກຳປູເຈຍ​ ຄື​:ຈັງຫວັດສະແກ້ວ
ສັນຊາດລາວ ຄື:ຈັງຫວັດຫນອງຄາຍ
ສັນຊາດມຽນມາ ຄື:ຈັງຫວັດຕາກ ແລະ​ ລະນອງ

#ໂດຍນາຍຈ້າງ ຜູ້ປະກອບການ ຕ້ອງຮັບຜິດຊອບຄ່າໃຊ້ຈ່າຍ ໃນການກວດຫາເຊື້ອ COVID-19 ແລະການຈັດສະຖານທີ່ກັກກັນ 14​ ວັນ​ ປະມານ​ 13,200-19,300 ບາດ​ ຕໍ່ແຮງງານ 1​ ຄົນ.