ແຈ້ງເຕືອນ ພາຍຸລະດູຮ້ອນ

ຄວາມກົດດັນຕໍ່າຂອງອາກາດຮ້ອນຍັງປົກຄຸມຢູ່ພາກເໜືອດ້ານຕາເວັນຕົກ ແລະ ພາກໃຕ້ ຂອງປະເທດລາວ, ສ່ວນພາກເໜືອ ດ້ານຕາເວັນອອກ ລົງຫາ ພາກກາງຄວາມກົດດັນສູງຂອງອາກາດເຢັນທີ່ປະເທດຈີນ ໄດ້ແຜ່ລົງມາປົກຄຸມ, ສົມທົບກັບກະແສລົມຕາເວັນອອກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຍັງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ແລະ ຍັງຈະມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ໃນແຕ່ລະພາກ ແລະ ຕົກປານກາງ ແລະ ຈະມີຟ້າຜ່າ, ໝາກເຫັບຕົກ ລົມພັດແຮງທີ່ອາດຈະເຮັດໃຫ້ມີຕົ້ນໄມ້ໃຫ່ຍ ແລະ ເສົາໄຟຟ້າຫັກລົ້ມ ໃນໄລຍະຕອນບ່າຍຫາກາງຄືນ ຢູ່ບັນດາແຂວງ ພາກເໜືອ ແລະ ພາກກາງ.
ດັ່ງນັ້ນ #ຈື່ງແຈ້ງເຕືອນເຖີງອໍານາດການປົກຄອງ ແລະ ປະຊາຊົນບັນດາເຜົ່າ ໃຫ້ມີສະຕິລະມັດລະວັງ ຕໍ່ສະພາບອາກາດຮ້າຍແຮງ ທີ່ຈະເກີດຂື້ນໃນໄລຍະນີ້.