ຂ່າວດີ ມື້ນີ້ບໍ່ພົບຜູ້ຕິດໂຄວິດເພີ່ມ ຖືເປັນມື້ທີ່ 5 ຕິດຕໍ່ກັນ

ວັນທີ 17 ເມສາ 2020 ເວລາ 14:30 ໂມງທີ່ສູນປະຕິບັດງານ ຄະນະສະເພະກິດ ຕ້ານໂຄວິດ-19 ໄດ້ມີການຖະແຫຼ່ງຂ່າວ ໃຫ້ຮູ້ວ່າ ມາຮອດມື້ນີ້ ບໍ່ມີການກວດພົບ ຜູ້ຕິດເຊື້ອໂຄວິດ-19 ລາຍໃໝ່ ຢູ່ ສປປ ລາວ ເປັນມື້ທີ່ 5 ຕິດຕໍ່ກັນ ລວມຍອດສະສົມ ຜູ້ຕິດເຊື້ອ ຢູ່ ສປປ ລາວ ທັງຫມົດ ຍັງຢູ່ທີ່ ຕົວເລກ 19 ຄົນ ປົວດີແລ້ວ 2 ຄົນ

ສະຖານະການການແຜ່ລະບາດ ຂອງເຊື້ອໂຄວິດ-19 ໄດ້ແຜ່ລາມໄປ ໃນ 210 ປະເທດ ແລະ ເຂດແຄວ້ນ. ຍອດຜູ້ຕິດເຊື້ອສະສົມ ໃນທົ່ວໂລກ ຮອດ 2 ລ້ານຄົນ ແລະກໍາລັງເພີ່ມສູງຂຶ້ນຢ່າງຕໍ່ເນື່ອງ. ຮຽກຮ້ອງໃຫ້ປະຊາຊົນລາວບັນດາເຜົ່າ ຈົ່ງເພີ່ມທະວີ ເອົາໃຈໃສ່ ຮັກສາບົວລະບັດຕົນເອງ ແລະ ປະຕິບັດຕາມມາດຕະຖານ ຄໍາແນະນໍາ ແລະ ມາດຕະການປ້ອງກັນ ຂອງລັດຖະບານລາວ ວາງອອກ ຢ່າງເຄັ່ງຄັດ