ອີຣ່ານຈະຖະຫລົ່ມອິສຣາເອລແລະສະຫະລັດອາຫລັບເອມີເຣດ

ສຳນັກຂ່າວຕ່າງປະເທດລາຍງານ ເມື່ອວັນທີ່ 8 ມັງກອນ 2020 ວ່າ ກອງກຳລັງພິທັກປະຕິວັດອີຣ່ານ (ໄອອາຣຈີຊີ) ອອກຖະແຫຼງການວ່າ ຫາກກອງທັບອາເມຣິກາປະຕິບັດການທາງທະຫານໂຕ້ຕອບທີ່ຖານທັບ 2 ແຫ່ງໃນແຂວງອັນບາຣ ແລະທີ່ເມືອງເອີບິລ ຊື່ງເປັນເມືອງເອກຂອງເຂດປົກຄອງຕົນເອງເຄີດິສຖານ ຖືກໂຈມຕີຈາກຈະຫລວດຂອງໄອອາຣຈີຊີ ຂອບເຂດຂອງການໂຈມຕີດ້ວຍຈະຫລວດຂອງໄອອາຣຈີຊີຈະຂະຫຍາຍໄປເຖິງພັນທະມິດຂອງອາເມຣິກາໃນພູມມີພາກ ລວມເຖິງເມືອງໄຮຟາຂອງອິສຣາເອລ ແລະນະຄອນດູໄບໃນສະຫະລັດອາຣັບເອມິເຣດ ຂະນະທີ່ຖານທັບອາເມຣິກາອີກຫລາຍແຫ່ງໃນອີຣັກຈະຕ້ອງຮັບມືກັບການໂຈມຕີເພີ່ມອີກ


ຂະນະທີ່ກຸ່ມຮິຊບອລເລາະຊື່ງມີຖານປະຕິບັດການຢູ່ເລບານອນ ອອກຖະແຫຼງການແຍກຕ່າງຫາກອີກສະບັບຫນື່ງປະກາດກຽມປະຕິບັດຕໍ່ ຂະບວນການໄຊອໍນິສ ຊື່ງຫມາຍເຖິງອິສຣາເອລ ຫາກອາເມຣິກາໂຈມຕີທາງທະຫານໃນອີຣ່ານ ແລະກອງກຳລັງຮັຊ ຫລືພີເອັມເອຟ ຊື່ງເປັນເຄືອຂ່າຍນັກຮົບຊີອະຫໃນອີຣັກທີ່ມີຄວາມໃກ້ຊິດກັບອີຣ່ານ ສະແດງຄວາມພ້ອມໂຈມຕີຖານທັບອາເມຣິກາໃນອີຣັກເຊັ່ນກັນ ດ້ານອິສຣາເອລຍັງບໍ່ສະແດງທ່າທີຢ່າງເປີດເຜີຍຕໍ່ຄຳຂູ່ດັ່ງກ່າວແຕ່ສື່ທ້ອງຖິ່ນຫລາຍແຫ່ງລາຍງານວ່າ ກອງກຳລັງປ້ອງກັນອິສຣາເອລ (ໄອດີເອຟ) ຢູ່ໃນສະຖານະພ້ອມລະດັບສູງສຸດ ອີກຢ່າງຫນຶ່ງອິສຣາເອລກັບກຸ່ມຮິຊບອລເລາະເຄີຍເຮັດສົງຄາມໃຫ່ຍກັນແລ້ວຄັ້ງຫນື່ງ ເມື່ອປີ 2006

ສ່ວນປະທານາທິບໍດີໂດນັລ ທຣັມ ຍັງບໍ່ສະແດງທ່າທີໃດອີກຫລັງປະກາດວ່າກອງທັບອາເມຣິກາຖອນທະຫານອອກຈາກອີຣັກແນ່ນອນ ແຕ່ບໍ່ແມ່ນຕອນນີ້ ໃນເວລາດຽວກັນ ຜົນສຳຫຼວດຄວາມຄິດເຫັນກຸ່ມຕົວຢ່າງຊາວອາເມຣິກາ 1,005 ຄົນ ລະຫວ່າງວັນທີ່ 3-6 ມັງກອນ ແລະອີກ 1,108 ຄົນ ລະຫວ່າງວັນທີ່ 6-7 ມັງກອນ ທີ່ຜ່ານມາ ຈັດເຮັດໂດຍສຳນັກວິໄຈອິປຊອສຮ່ວມກັບສຳນັກຂ່າວຣອຍເຕີ ປາກົດວ່າ 53% ບໍ່ພໍໃຈກັບການສະແດງທ່າທີຂອງທຣັມຕໍ່ອີຣ່ານ ນອກຈາກນີ້ 71% ຂອງກຸ່ມຕົວຢ່າງເຊື່ອວ່າອາເມຣິກາຈະເຂົ້່າສູ່ສົງຄາມກັບອີຣ່ານ ພາຍໃນອີກບໍ່ເທົ່າໃດປີຂ້າງຫນ້າ ເພີ່ມຂື້ນຫລາຍເຖີງ 20% ຈາກການສຳຫຼວດເມື່ອເດືອນພະຈິກປີຜ່ານມາ

ທັງນີ້ ສະຖານະການໃນຕາເວັນອອກກາງເຄັ່ງຕຶງເຖິງຂີດສຸດໃນຮອບຫລາຍທົດສະຕະວັດ ນັບຕັ້ງແຕ່ກອງທັບອາເມຣິກາໂຈມຕີທາງອາກາດໃກ້ສະຫນາມບິນສາກົນແບກແດດ ເມື່ອວັນທີ່ 3 ມັງກອນ ລອບສັງຫານພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດ ຄຸດສ ຂອງໄອອາຣຈີຊີແລະທ່ານອາບູ ມາຫດີ ອັລ-ມູຮັນດິສ ຮອງຜູ້ບັນຊາການກອງກຳລັງຮັຊ ຫລືພີເອັມເອຟ ຊື່ງເປັນເຄືອຂ່າຍນັກຮົບຊີອະຫໃນອີຣັກທີ່ມີຄວາມໃກ້ຊິດກັບອີຣ່ານ ຫລັງເກີດເຫດລັດຖະບານເຕຫະຣານປະກາດ ເອົາຄືນຢ່າງສາສົມ ຕໍ່ອາເມຣິກາ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *