ອາເມຣິກາ ເຜີຍວ່າອີຣ່ານຍິງຈະຫລວດຖະຫລົ່ມຖານທັບແລ້ວ 2 ແຫ່ງໃນອີຣັກ

ສຳນັກຂ່າວຕ່າງປະເທດລາຍງານ ເມື່ອວັນທີ່ 8 ມັງກອນ 2020 ວ່າ ກະຊວງປ້ອງກັນປະເທດຂອງອາເມຣິກາ ອອກຖະແຫຼງການວ່າ ກອງກຳລັງພິທັກປະຕິວັດອີຣ່ານ (ໄອອາຣຈີຊີ) ຍິງຈະຫລວດ ຫລາຍກວ່າ 20 ລູກ ໂຈມຕີຖານທັບອາເມຣິກາ 2 ແຫ່ງໃນອີຣັກ ຄືທີ່ແຂວງອັນບາຣ ໃນພາກຕາເວັນຕົກ ແລະໃນເມືອງເອີບິລ ຊື່ງເປັນເມືອງເອກຂອງເຂດປົກຄອງຕົນເອງເຄີຣດິສຖານ ໃນພາກເຫນືອຂອງອີຣັກຕັ້ງແຕ່ຊ່ວງຄ່ຳຂອງວັນອັງຄານ ຕໍ່ເນື່ອງຮອດເຊົ້າມືດຂອງວັນພຸດຕາມເວລາທ້ອງຖິ່ນ ເບື້ອງຕົ້ນເຈົ້າຫນ້້າທີ່ກຳລັງປະເມີນຂອບເຂດຂອງຄວາມເສຍຫາຍ ຂະນະທີ່ທຳນຽບຂາວລາຍງານເພີ່ມເຕີມວ່າປະທານາທິບໍດີໂດນັລ ທຣັມ ຮຽກປະຊຸມສຸກເສີນຫນ່ວຍງານຄວາມຫມັ້ນຄົງທັງຫມົດແລ້ວ ກ່ຽວກັບສະຖານະການທີ່ເກີດຂື້ນ


ດ້ານໄອອາຣຈີຊີເຜີຍແຜ່ຖະແຫຼງການຜ່ານສະຖານີໂທລະພາບແຫ່ງຊາດ ວ່າກອງກຳລັງທາງອາກາດເປີດສາກປະຕິບັດການ ນັກບຸນໂຊໄລມານີ ດ້ວຍການຍິງຂີປະນາວຸດນຳວິຖີຈາກອາກາດສູ່ອາກາດ ໂຈມຕີເປົ້າຫມາຍຄືຖານທັບຂອງອາເມຣິກາໃນອີຣັກ ຕອບໂຕ້ປະຕິບັດການໂຈມຕີທາງອາກາດຂອງທະຫານອາເມຣິກາ ບໍລິເວນສະຫນາມບິນສາກົນແບກແດດ ເມື່ອວັນທີ່ 3 ມັງກອນທີ່ຜ່ານມາ ລອບສັງຫານພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດ ຄຸດສ ຂອງໄອອາຣຈີຊີ ແລະນາຍອາບູ ມາຫດີ ອັລ-ມູຮັນດິສ ຮອງຜູ້ບັນຊາການກອງກຳລັງຮັຊ ຫລືພີເອັມເອຟ ຊື່ງເປັນເຄືອຂ່າຍນັກຮົບຊີອະຫໃນອີຣັກທີ່ມີຄວາມໃກ້ຊິດກັບອີຣ່ານ

ນອກຈາກນີ້ ຖະແຫຼງການຂອງໄອອາຣຈີຊີເຕືອນກອງທັບອາເມຣິກາ ແລະພັນທະມິດໃນອີຣັກໃຫ້ກຽມພ້ອມຮັບມືກັບ ການໂຈມຕີຄັ້ງຕໍ່ໄປ ແລະຍັງສົ່ງຄຳເຕືອນແບບດຽວກັນໄປຍັງອີກຫລາຍປະເທດໃນຕາເວັນອອກກາງ ຫາກປະເທດໃດອະນຸຍາດໃຫ້ອາເມຣິກາໃຊ້ພື້ນທີ່ເປັນຖານປະຕິບັດການໂຈມຕີອີຣ່ານ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *