ເລີ່ມແລ້ວ! ອີຣ່ານເປີດສາກຍິງຂີປະນາວຸດໃສ່ຖານທັບອາເມຣິກາຢູ່ອີຣັກ

ສຳນັກຂ່າວຕ່າງປະເທດລາຍງານເມື່ອວັນທີ 8 ມັງກອນ 2020 ວ່າ ວ່າມີການຍິງຈະຫລວດຢ່າງໜ້ອຍ 10 ລູກ ໂຈມຕີຖານທັບອາກາດອັລ ອາຊາດ ຊຶ່ງມີກອງກຳລັງນາວິກໂຍທິນອາເມຣິກາປະຈຳການ ຕັ້ງຢູ່ແຂວງອັນວາ ໃນພາກຕາເວັນຕົກຂອງອີຣັກ ເມື່ອຊ່ວງເຊົ້າມືດຂອງວັນພຸດຕາມເວລາທ້ອງຖິ່ນ ເບື້ອງຕົ້ນຍັງບໍ່ມີລາຍງານຄວາມສູນເສຍທີຊັດເຈນ ດ້ານກອງທັບອາເມຣິກາຍັງປະຕິເສດໃຫ້ຂໍ້ມູນເພີ່ມຕື່ມ ສ່ວນທຳນຽບຂາວແຈ້ງພຽງວ່າ ປະທານາທິບໍດີໂດນັລ ທຣັມ ໄດ້ຮັບລາຍງານແລ້ວ ແລະກຳລັງຕິດຕາມສະຖານະການຢ່າງໃກ້ຊິດ

ດ້ານສະຖານີໂທລະພາບແຫ່ງຊາດອີຣ່ານລາຍງານວ່າ ກອງກຳລັງທາງອາກາດແຫ່ງກອງທັບພິທັກປະຕິວັດອີຣ່ານ (IRGC) ເປີດສາກປະຕິບັດການທີ່ຊື່ວ່າ “ນັກບຸນໂຊໄລເມນີ” ດ້ວຍການຍິງຂີປະນາວຸດນຳວິຖີຈາກອາກາດສູ່ອາກາດຈຳນວນຢ່າງໜ້ອຍ 10 ລູກ ໄປຍັງຖານທັບອາກາດອັລ ອາຊາດ ໃນອີຣັກ ຊຶ່ງກອງທັບອາເມຣິກາເຂົ້າມານຳໃຊ້ຄັ້ງທຳອິດເມື່ອຕອນເຮັດສົງຄາມໂຄ່ນລົ້ມອຳນາດອະດີດປະທານາທິບໍດີຊັດດັມ ຮຸສເຊັນ ເມື່ອປີ 2003 ຂະນະດຽວກັນ IRGC ອອກປະກາດເຕືອນໄປຍັງກອງທັບອາເມຣິກາ ແລະພັນທະມິດ ທີ່ຍັງປະຈຳການຢູ່ໃນອີຣັກ ໃຫ້ກຽມພ້ອມຮັບມືຄັ້ງຕໍ່ໄປ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *