ດ່ວນ! ເກີດເຫດຢຽບກັນຕາຍໃນອີຣ່ານລະຫວ່າງພິທີສົບນາຍພົນ ກັສເຊັມ ໂຊເລມານີ

ສຳນັກຂ່າວຕ່າງປະເທດລາຍງານເມື່ອວັນທີ 7 ມັງກອນ 2020 ວ່າ ເກີດເຫດວຸ້ນວາຍຂື້ນໃນລະຫວ່າງພິທີສົບ ພົນຕີ ກັສເຊັມ ໂຊໄລມານີ ອະດີດຜູ້ບັນຊາການຫນ່ວຍຮົບພິເສດ ຄຸສ ຂອງອີຣ່ານ ຢູ່ເມືອງເຄີມັນທາງຕາເວັນອອກສຽງໃຕ້ ຂອງອີຣ່ານ ສົ່ງຜົນໃຫ້ມີຜູ້ເສຍຊີວິດແລ້ວຢ່າງໜ້ອຍ 35 ຄົນ ແລະບາດເຈັບອີກ 48 ຄົນ

ພິທີສົບຂອງທ່ານໂຊໄລມານີ ຈັດຂື້ນທ່າມກາງບັນຍາກາດທີ່ເຄັ່ງຕຶງໃນຕາເວັນອອກກາງ ຫລັງຈາກທ່ານຖືກໂດຣນອາເມຣິກາໂຈມຕີທາງກາດທີ່ສະຫນາມບິນສາກົນແບກແດດ ໃນອີຣັກເມື່ອອາທິດຜ່ານມາ

ເຈົ້າຫນ້າທີ່ອີຣ່ານລະບຸວ່າ ເຫດວຸ້ນວາຍທີ່ເກີດຂື້ນ ເຮັດໃຫ້ຊາວອີຣ່ານທີ່ມາຮ່ວມພິທີສົບໄດ້ຮັບບາດເຈັບ ແລະເສຍຊີວິດຫລາຍຄົນໃນລະຫວ່າງຮ່ວມຂະບວນແຫ່ສົບ

ສຳລັບພິທີສົບຂອງທ່ານພົນຕີ ໂຊໄລມານີ ທີ່ນະຄອນເຕຫະຣານມື້ວັນທີ 6 ມັງກອນ 2020 ມີປະຊາຊົນເຂົ້າຮ່ວມກ່ວາ 1 ລ້ານຄົນ

 

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *