ການຫລົງໂຕເອງ ຊ່ວຍລົດພາວະຄວາມຄຽດ ແລະຊຶມເສົ້າ

ສຳນັກຂ່າວຕ່າງປະເທດລາຍງານເມື່ອອາທິດຜ່ານມານີ້ວ່າ ຜົນງານວິໄຈລ່າສຸດຈາກມະຫາວິທະຍາໄລຄວີນເບລຟາສປະເທດໄອຣແລນເຫນືອຊີ້ໃຫ້ເຫັນວ່າ ການຫລົງໂຕເອງໃນລະດັບຫນື່ງອາດເປັນເລື່ອງດີແຕ່ກໍ່ຕ້ອງຂື້ນຢູ່ກັບສະຖານະການຮອບຂ້າງດ້ວຍ ທ່ານຄອສຕາສ ປາປາຈໍຈິອູ ຜູ້ຊ່ວຍສາດສະດາຈານສາຂາຈິດວິທະຍາມະຫາວິທະຍາໄລຄວີນເບລຟາສ ຫນື່ງໃນຜູ້ຂຽນງານວິໄຈດັ່ງກ່າວນີ້ວ່າ ປະຊາຊົນທີ່ມີ ພາວະຫລົງໂຕເອງ ຊື່ງສະມາຄົມຈິດວິທະຍາອາເມຣິກາອະທິບາຍວ່າຄື ພາວະການ ສົນໃຈໂຕເອງ ແລະປະເມີນຄ່າໂຕເອງຫລາຍເກີນໄປ ອາດຊ່ວຍໃຫ້ມີຄວາມເຂັ້ມແຂງທາງຈິດໃຈທາງຫລາຍຂື້ນເຊັ່ນດຽວກັນ ເນື່ອງຈາກການຫລົງໂຕເອງນັບເປັນກົນໄກການປ້ອງກັນໂຕເອງຂອງມະນຸດ

ງານວິໄຈຊີ້ໃຫ້ເຫັນວ່າ ຢ່າງນ້ອຍທີ່ສຸດໃນມິຕິຫນື່ງຂອງການຫລົງໂຕເອງ ກໍ່ອາດຊ່ວຍໃຫ້ບຸກຄົນມີຄວາມເຂັ້ມແຂງໃນການຕໍ່ສູ້ກັບອາການທາງຈິດບາງປະເພດເຊັ່ນ ໂລກຊຶມເສົ້າ ແລະພາວະຄວາມຄຽດ ທ່ານຄອສຕາສກ່າວ
ໃນງານສຶກສາດັ່ງກ່າວນີ້ ທີມນັກວິໄຈລວບລວມຜູ້ຮ່ວມທົດລອງກວ່າ 700 ຄົນເພື່ອໃຊ້ໃນການສຶກສາທົດລອງ 3 ຢ່າງ ໂດຍຜູ້ເຂົ້າຮ່ວມໃນງານທົດລອງທັງ 3 ຢ່າງຈະຕ້ອງເຮັດແບບທົດສອບຕອບຄຳຖາມກ່ຽວກັບພາວະຫລົງໂຕເອງທີ່ໃຊ້ເພື່ອການວັດແທກພາວະຫລົງໂຕເອງທີ່ບໍ່ສະແດງອາການ ຄວາມເຂັ້ມແຂງຂອງຈິດໃຈ ແລະອາການຂອງໂລກຊຶມເສົ້າລວມເຖິງພາວະຄວາມຄຽດ

ສຳລັບພາວະຫລົງໂຕເອງໃນງານວິໄຈນີ້ ທ່ານຄອສຕາສ ກ່າວວ່າສາມາດແບ່ງອອກເປັນ 2 ປະເພດ ຄືພາວະຫລົງໂຕເອງທີ່ຖືກຮຽກວ່າ ການຫລົງໂຕເອງແບບໃຫ້ຄ່າສູງ (grandiose narcissism) ແລະ ການຫລົງໂຕເອງແບບອ່ອນໄຫວ  (vulnerable narcissism) ໂດຍຄົນທີ່ຫລົງໂຕເອງແບບແລກຈະເປັນກຸ່ມທີ່ໃຫ້ຄວາມສຳຄັນໂຕເອງເກີນພໍດີ ແລະສົນໃຈຝັກໃຝ່ກັບຊື່ສຽງອຳນາດ ແລະສະຖານະຂອງຕົນ ຂະນະທີ່ຜູ້ທີ່ຫລົງໂຕເອງແບບທີ່ສອງນັ້ນຈະຢູ່ໃນກຸ່ມທີ່ເບີ່ງວ່າການກະທຳຂອງຄົນອື່ນມຸ່ງຮ້າຍກັບຕົນ

ຜົນຮັບຈາກງານວິໄຈນີ້ສະທ້ອນຄວາມສຳພັນລະຫວ່າງຜູ້ທີ່ມີພາວະຫລົງໂຕເອງແບບໃຫ້ຄຸນຄ່າໂຕເອງສູງວ່າມີໂອກາດລົດຄວາມສ່ຽງໃນການປະສົບກັບພາວະຄວາມຄຽດຫລືພາວະຊຶມເສົ້າ ທ່ານຄອສຕາສ ກ່າວເສີມວ່າ ງານວິໄຈນີ້ຕ້ອງການສະຫນັບສະຫນູນຄວາມຫລາກຫລາຍຂອງບຸກຄົນ ແລະບໍ່ເບີ່ງວ່າພາວະຫລົງໂຕເອງເປັນເລື່ອງດີຫລືບໍ່ດີ ແຕ່ເບີ່ງວ່າເປັນພຽງຜົນຜະລິດຈາກວິວັດທະນາການ ແລະການສະແດງອອກຂອງທຳມະຊາດມະນຸດເທົ່ານັ້ນ ງານວິໄຈຍັງສະທ້ອນວ່າ ປະຊາກອນ ອາຍຸລະຫວ່າງ 18 – 25 ເປັນກຸ່ມທີ່ຫລົງໂຕເອງທີ່ສຸດ ຈຳເປັນຕ້ອງເບີ່ງດ້ວຍຄວາມລະມັດລະວັງ ເນື່ອງຈາກ ຜູ້ທີ່ມີພາວະຫລົງໂຕເອງແບບໃຫ້ຄຸນຄ່າໂຕເອງສູງນັ້ນມັກຈະເກັ່ງໃນການປົກປ້ອງຕົນເອງດ້ວຍກົນໄກທີ່ຫໍ່ຫຸ້ມໂຕເອງຈາກຄວາມຄຽດ ແລະອາລົມໃນແງ່ລົບ ແຕ່ຕ້ອງຕະຫນັກເຖິງຄວາມເສຍຫາຍຂອງພາວະຫລົງໂຕເອງດ້ວຍເຊັ່ນ ວິທີອັນບໍ່ດີທີ່ຄົນຫລົງໂຕເອງໃຊ້ກັບຜູ້ອື່ນ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *