ວ້າວ !!! ຕ້ອງໄປສໍາຜັດໃຫ້ໄດ້ ສວນສະໜຸກແຫ່ງໃໝ່ໃນນະຄອນຫຼວງວຽງຈັນ

ເປີດໃຫ້ທ່ຽວຊົມແລ້ວເດີ້ ສໍາລັບສວນສະໜຸກ ສວນເເຫ່ງຄວາມຝັນ ຢູ່ບ້ານຮ່ອງຄ້າ ເມືອງສີໂຄດຕະບອງ ນະຄອນຫຼວງວຽງຈັນ ຫຼາຍຄົນທີ່ັຜ່ານໄປແຖວນັ້ນກໍອາດຈະເຄີຍເຫັນແລ້ວ ຫຼື ຕາມສື່ອອນລາຍທີ່ມີຄົນໄປຖ່າຍຮູບໄວ້ ແຕ່ປັດຈຸບັນທ່ານສາມາດໄປສໍາພັດໄດ້ເອງແລ້ວ ເພາະເພິ່ນຕຈະເລີ່ມເປີດໃຫ້ທ່ຽວຊົມແລ້ວນັບແຕ່ວັນທີ 8 ພະຈິກ 2019 ນີ້.

ນັບສວນສະໜຸກເເຫ່ງໃໝໃຈກາງເມືອງ ທີ່ມີເຄື່ອງຫຼີ້ນຫຼາກຫຼາຍຢ່າງ ມີ ເຄື່ອງຫຼີ້ນ G_force ທີ່ໃຫ້ທ່ານໄດ້ສຳພັດອີດສະລະຂອງເເຮງໝູນເທີງຄວາມສູງ 40 m ທີ່ຍອດປາຍໝູນໄດ້ 360 ອົງສາ,

ພ້ອມທັງຊີ້ງຊ້າສະຫວັນທີ່ສູງເຖີງ 42 m ສູງທີ່ສຸດໃນນະຄອນຫຼວງຕອນນີ້

ຍັງບໍ່ພຽງເທົ່ານັ້ນຍັງມີ:ເຮືອເຫາະ, ລົດໄຟເຫາະ, ມ້າໝູນທີ່ລູລາ, ຍົນເຫາະອີກດ້ວຍ ແບບນີ້ບໍ່ຕ້ອງໄປທ່ຽວໃສໄກ ຫຼື ຕ່າງປະເທດ ເພາະໃນນະຄອນຫຼວງເຮົາກໍມີບ່ອນທ່ຽວ, ບ່ອນຫຼິ້ນ ແລະ ບ່ອນຖ່າຍຮູບງາມໆອີກຫຼາຍໆມຸມຢູ່ທີ່ນີ້ແລ້ວ.

ທີ່ພິເສດໄປກວ່ານັ້ນກໍຄື ສວນເເຫ່ງຄວາມຝັນ ຮ່ອງຄ້າ ວຽງຈັນນີ້ ສາມາດເຂົ້າຟຣີເລີຍ ບໍ່ໄດ້ເສຍເງີນຄ່າເຂົ້າ ພຽງເເຕ່ທ່ານຫຼີ້ນໂຕໃດຈ່າຍຄ່າບໍລິການໂຕນັ້ນເທົ່ານັ້ນ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *